أخر شرح حصري الفراق المميت عمل السوفت وير للنوكيا شرح هيخليك أحسن من بتوع الصيانه!
كاتب الموضوع
رسالة
رايق عضو مميز
عدد المساهمات : 77 تاريخ التسجيل : 03/02/2012 العمر : 27 الموقع : https://cougar.hooxs.com
موضوع: أخر شرح حصري الفراق المميت عمل السوفت وير للنوكيا شرح هيخليك أحسن من بتوع الصيانه! الخميس يونيو 21, 2012 6:47 pm
بسم الله الرحمن الرحيم السلام عليكم ورحمة الله وبركاته
وأحلي أعضاء في أحلي وأغلي منتدي الفراق المميت ألــ كان عزيز ع قلبي وسيظل بإذن الله
طبعآ ذي ما مكتوب في العنوان إن ده أخر موضوع ليا
أنا أسمي محمد ودي مش عضويتي أنا أنا ختها وكملت بيها بدل صاحبتها الآساسيه ألــ قالت بالنص تابع هنا شويه
بس أستهبلت شويه والمفروض ده مش كان يحصل وده السبب الرئيسي للآنسحاب والسبب التاني إن بعد التعب ألـ أنا تعبته هنا في القسم وبعد ماخت الآشراف كمان وأتثبت تقريبآ كل ده راح في أقل من ثانيه وكمان بدون حتي نقاش ولا حياة لمن تنادي
علي العموم انتوا طبعآ ولا يهمكوا أبيض ولا أسود
وأنا مش محتاج فلوس أو حاجه عشان أكتب هنا في القسم الكتابه مسموحه للجميع بحدود القوانين
يلا سيبكوا أنتوا من المشاكل وندخل ع البرنامج الرهيب
أنا هوصف لكوا البرنامج ده أنا فتحت محل صيانه بسبب البرنامج ده البرنامج ده بتشتغل عليه ببوكسه وكمان من غير بوكسه
طبعآ شوية مواصفات ومميزاته كده في الآول
البرنامج تقدر تعمل من عليه
1- تنزيل السوفت وير بدون بوكسه أو ببوكسه 2- تقدر تنزل السوفت بدون ماتحذف بيانات شخخصيه ((البرنامج الوحيد)) 3- حذف رمز الحمايه وإسترجاعه للآصلي 4- مسح السوفت للقديم كمان 99- عملية أختبار للكيبورد أو الكارت أو الخط أو.... كل حاجه في التليفون طبعآ أنا قصرت في الشرح لآن مميزاته مش هتخلص لو حتي كتبت من هنا للصبح وأوعي وشك بقي من أخر ميزه أفتكرتها البرنامج بيفتح لك أمكانيات عمرك مافتها مغلقه من شركة نوكيا أساسآ ذي مثلآ أنا عندي في الجيل الآول كل ماتتدخل ع حاجه يقولك السماح للتطبيق ...... كل ماتعمل حاجه البرنامج يقول ,, السماح ودي مزعجه وكمان تقدر تحذف البلوتوث , الكاميرا , وترجعهم كمان مميزات البرثامج للجيل الآول أنا جربتهم كلهم وعامل لهم موضوع بس قديم وفي منتدي تاني 477 ميزه يقدر يعملها البرنامج يعني من الآخر البرنامج بيخليك تصنع تليفون بإيدك
وأنا كان نفسي لأشرح لكوا البرنامج ده وكل حاجه بيعملها علي 10 مواضيع كل موضوع فيه أداه من أدوات البرنامج
بس ذي مامكتوب في رأس الموضوع
ندخل بقي علي حبيبي ,...,,,, قصدي البرنامج أسم البرنامج : Phonix حجمه : 95MB كبير بس نفعه أكبر التوافق : Xp والنسخ التانيه ليها حاجات بسيطه أبقوا دوروا في جوجل لو واجهتكوا المشكله لازم تكون مسطب برنامج نوكيا بي سي سيوت أو أوفي سيوت عشان الموبيل يتعرف علي الكمبيوتر ندخل بقي علي شرح تسطيب البرنامج
دي الآيكونه بعد التحميل
طبعآ هنختار الآنجليزي
دوس نكست يامعلم لحد ماتوصل لك فينيش التسطيب هايقعد 5 دقايق دول شوية صور أخر صوره بتاعة الفينش مش لحقت أصورها أصلي سبت الجهاز ورجعت لقيته عمل فينش لوحده هههههههههههههه عفريت Xp
كده البرنامج أتسطب تمام
ناخد إستراحه ونتكلم شويه ع البرنامج أنا مش بزهق من كلام عن البرنامج ده بقول لكوا تقدر تعمل محل صيانه بيه
أه نسيت أنتوا هجيبوا الفلاشه بتاعة السوفت من الموقع ده http://www.mobile-sn.net تنزلوا الفلاشه ع الجهاز وتحطوها علي المسار ده عشان تظهر في البرنامج هتاخد الفلاشه إذا كانت مضغوطه فكها بعد ماتفكها هتاخد الفولدر كوبي وتعمل هنا باست وده كمان مثال
أنا عامل ملفين أصلي منزل فلاشه أصليه وروحت معدلها معلش نسيت مش لك دعوه بيها أنت هتسميها حسب الآرم أم بتاعك وده بجيبوا لما تضغط * # 0 0 0 0 # بيظهر لك الآرم أم بتاعك وبتسمي الملف المحمل بالشكل ده rm-$#@q الموز دي تكتب فيها رقم الآر أم
rm-237 مثال وده أسم نوكيا 3110C كمثال
وتقدر تحمل الفلاشان من أي موقع أو منتدي دا بس لو كانت الفلاشه مش مكتوبه الرقم بتاعها أو مش ظهرت لك في البرنامج
ولو مش عاوز تسميها سبها وحطها ذي ماقلنا في المسار بتاعها وأدخل ع البرنامج وهتلاقيها في وشك بالآسم أل هي نازلها بيه يعني قصدي إنك تسميها كده عشان مش تتلخبط في الفلاشات ألـ عندك وبس
ندخل بقي علي كيفية تنزيل السوفت كل ألـ كلام ألـ فوق ليس له أي علاقه بتنزيل السوفت الشرح أو الطريقه أهيه
وكلاكيت وندخل ع الشرح بعد ماتحط الفولدر فى المسار زى الصورة تفتح برنامج فونكس ومن القايمة اختار File بعدين Open Product
بعدين اختار الrm بتاع موبايلك طب واجيبه منين الrm ده اقولك انا دوس فى الموبايل *#0000# ذي ماقلنا فوق بالضبط هتجيلك اختارها من القايمة زى كده :
بعد ماتختار الموبايل البرنامج هيرجعلك تانى اختار Flashing بعدين Firemware Update
هتجيلك قايمة بنفس الاسم دوس على ال 3 نقط اللى قصاد Product Code واختار الباتش زى كده :
لآ لسه فيه شرح الصور من جهازي وأنا بعمل السوفت ع تليفوني 3110C هؤلاء الصور تــــــــــــابع فقط محدش يتريق أحسن مش أكمل
تابع يامعلم ودي الصوره لما نزل الباتش تمام
وأهيه العده بقت جديده نوفي ذي ماأتوا شايفين
وبكده فعلآ أكون خلصت الشرح ومش عاوز حاجه إلا أنكوا تدعولي في الآمتحانات القادمه بإذن الله
ونصيحه مني مش تعمل السوفت إلا إذا كان الموبيل فعلآ محتاج ده والطريقه دي تنفع للجيل الآول بس علي ماأعتقد لآن الموبيلات التانيه كنت بنزلها ببرنامج الجافا وبالبوكسه
طبعآ أنا شرحت الجيل الآول لآن 80% من الناس معاهم الموبيلات دي
ومش تقعد تنزل سوفت كل شويه لآن الموبيل مش بيقبل أقل من ألـ فيه فــــــــــــــــــــــــــاهم لا يقبل أقل من ألــ فيه
يعني السوفت 7.21 والفلاشه ألـ أنت نزلتها 7.20 مش ينفع تنزل مش هيقبلها بس يقبل 7.22 7.30 وهكذا
ودي بتشوفها لما تدوس برضو *#0000# وطبعآ الفلاشه أل بتحملها عارف هي إيه والآصدار بتاعها
ومش عارف أنا ناسي إيه والله في الشرح يلا سلام عليكم وابقي رد السلام الفراق المميت
وده أخر نسخه من البرنامج الحديثه لسه رافعها مميزات النسخه دي إنها متوافقه ع حميع الآنظمه وبتدعم جميع الآجهزه أما النسخه السابقه بتدعم موبيلات محدوده أنصح بتحميل النسخه دي وكمان أنا عارف إن الموقع اللي فوق بطئ وإحتمال مش يرضي يحمل البرنامج رفعته مره تانيه http://rapidgator.net/file/10863386/...Com_2.exe.html
المجله 
الرئيسية 
أحدث الصور 
الخميس يونيو 21, 2012 6:47 pm
